Khutbah Bahasa Bugis Idul Fitri

Khutbah Bahasa Bugis Terbaru Idul Fitri "PUASA DAN PEMBENTUKAN KEMANUSIAAN"

السلام عليكم ورحمة الله وبركاته
الله أكبر 9×
ألله أكبر ولله الحمد . الحمد لله الذي جعل هذا اليوم عيدا للمسلمين وشعارا للاسلام. أشهد أن لا اله الا الله الملك الحق المبين وأشهد أن محمدا عبده ورسوله صادق الوعد الامين. اللهم صل وسلم علي نبي الهدي والرحمة المبعوث بالكتاب والحكمة سيد المرسلين وخاتم النبيين محمد صلي الله عليه وسلم وعلي اله الكرام وأصحابه المختار وأتباعه أجمعين. أمابعد فقال الله تعالي لقد خلقنا الانسان في أحسن تقويم ثم رددناه أسفل سافلين.
فيا عباد الله أوصيكم ونفسي بتقوي الله وطاعة الله ورسوله لعلكم تفلحون.


Allah Akbar 3 x Wa Lillah al-Hamd
Al-hamdu Lillah wa Syukrillah, teppaja risompa nenniya ripuji puang Allah ta’ala, pappadatosa puang Allah taala teppaja napaturung pammasena nenniya pakkamasena lao ri ikkeng maneng, nasabari natopada engkaki makkatudangeng ri ongrongngewe nasaba seddi niat nenniya akkatta iayanaritu sekira-kira maeloki pasilennerengngi pakkasiwiatta lao ri puang Allah taala. Na riappujiang tona ritu ri puang pangcajiengngi sininna alangnge, engrengnge riala toni ritu passompung rio rennu rigau engkata pada pasilennerengngi sempajang allepereng pittaraae iyae essoe.

Salawa nenniya papasalama masse ripangolo lao ri nabikkeng Muhammad Saw, nabi mallebangnge apammasengenna ritu ri sininna alangnge. Nasabari nakiengkana pada makkacoeriwi ritu apatiroanna nenniya pada makkatenni masse ritu ri agamana iayanaritu agama sellengnge iya pura napapolengekki ritu. Nakisalewangeng tona ritu pole ripettanna lino wanua paccobae lipumpewang sumange nappasajang rennu. Narimakkoannanaro aja tapabombangngi arota mita anu ritakkajenneki ri lino, toddo puli masse’i nasaba uli tessape juku temmalala nainappa ritettuang ri laleng ati kaminang marilelengnge, iayanaritu istiqama’e makkatenni ri kitta’na Allah ta’ala nenninya haddese essana nabikkeng Muhammad saw.

Allahu Akbar 3x Wa Lillah al-Hamd

Mappakkoniro suara takbir dan tahmid pappuji-puji lao ripuang Allahu taala, ripakkoling-koling “Allahu Akbar 3x Wa Lillah al-Hamd” samanna napakedo maneng lino lolong lise, riuh gemuruh menusuk sukma, alun beralun menusuk rasa. Nainappa ripakkoling paimeng “Allahu Akbar 3x Wa Lillah al-Hamd” ripadecengi engkalingana nainappa rirasakang rilaleng ati kaminang marilalengnge, namajeppu rirasakangngi makkeda temmakaharo pale lebbina nennia tanrena pappuji-pujie iyyaewe. Iyyanae wettue saisanna tauwwe denaulle tahangngi essibabauna rilaleng atinna, denaulle tahangngi wae matanna, nasaba naengngerangmanenni siajing sellenna iya mabelae pole ripakkita matanna, silessurenna rilaleng sompereng, ana-ana’na rilaleng pallawangeng, tau matuanna iyya de’e nasibawa malleppe rialalenna iyya essoe pittaraE nasaba lesuni ripammasena puang Allahu taala, Inna Lillahi wa Inna Ilaihi Rojiun. Mompo manenni paimeng ripangngeratta, samanna engka manengngi talleng riolona matatta. Narimakkuannanaro upeppaha tapunnai idi iyyae essoe engkaki pasilennerengngi sempajang alleppereng pittarae nasibawai keluarga yang lengkap. Nasaba de nacedde silessuretta iyyae essoe maelo mewamanenngi siraga-raga nennia sisompung rennu keluargana, naikiya, lisuni ripammasena tomatuanna iyarega ana’na gangkanna tudangmi bawang cannunnu naitti wali wae matanna mengngerag manengngi toripojinna.

Narimakkuannanaro, rilalenna iyyae wettu rio rennuE nennia wettu asennangenge, aja laloki napatakkalupa lao ritana rionroiyye makkallecca, nennia langi rijujungnge, padalaonimai tapada pallebbangngi asennangetta nennia pasisompungngi rio rennutta lao riiyya manenna silessuretta, Nasaba engkamupa saisa pole risiajing selletta iyae essoe, mappamula mompona fajjarengnge, naengkalingana takkabbere, natudang cannunnu naitti wali wae matanna, nassappuru arona, napasabbarai atinna nawa-nawai totona teppaulle pappada ikkeng maneng iyae essoe. Nawa-nawai bakkaweng bola tennaulle sambei, pakeang carepana tennaulle sullei, anre sisanru’na tennaulle pasirapiwi. Koettopa paimeng saisa pole risiajing seletta engkae beu-beu, aja lalo talupai nasabari namalo atinna, namalucca pappineddingna, tawerengngi sekke sarekkoammengnge nasisompung sumangenna, tawerengnge ada makessing sarekoammengngi nalai pakkuru sumange, nasabari napada engka siporio sipurennu iyae essoe. Attumanniki pole riadanna puang Allah taala mekkeda :
أريت الذي يكذب بالدين فذلك الذي يدع اليتيم ولا يحض علي طعام المسكين

Bettuanna : Mupahamuga tau massakarengngengi agama sellengnge, iayanaritu tau tunai-tunai ana beu-beuwe nenniya tau de’e nappanre tau kasi-asi.

Allahu Akbar 3 x Wa Lillah al-Hamd

Sinninna umma selleng engkae hadere
Iyyae essoe, esso kemenanganna ikkeng tomateppe’e pura mappuasangngi uleng ramalang. Nasaba siuleng ittana, ritahang aleta pole ri dekkae, rilupue engrenge pole risininna gau-gau salae, ada salae, kedo salae nenniya iyamanenna weddingnge solangi nenniya lolloi appalanna puasata, sarekkoammengngi engkaki pada mitau lao ri puang Allah taala nenniya mannini pole ri pappesangkana. Sitongeng-tongenna puasae tenniya makkeda ritahangngi aleta pole rilupue nenniya dekkae simata, naikiyya hakekanna iayanaritu musui iyarega kendalikangi hawa nafsue. Nasaba iayana hawa nafsue musu kaminang maraja risesena ikkeng rupa tauwe. Ri wettu nabitta Muhammad saw lisu pole ri perang Badar, makkedai nabitta : رجعنا من الجهاد الأصغر إلى جهاد الأكبر (bettuanna : lisuni pole ri musu mabaiccue lao ri musu marajae). Nakkutanana sahabae makkeda : engkamupagaha musu kaminang maraja pole ri musue ri Baddareng e… surona Allah ta’ala ?, makkedai nabitta “engka” iyanaritu musui hawa nafsue (جهاد النفس). Narimakkaannanaro aja laloki engka maelo napakawase-wase hawa nafsutta, tainringi hawa nafsutta lao ri laleng naporioe puang Allah taala, namabela pole appatakabelimpelinna setange. Narimakkoannaro tettongenni kowa alepu, narialepuki maneng sininna gau salae, narisampeang sininna ampe kedo nacacca puangnge, nainannapa topada makkatenni ri apatiroanna agamata iayanaritu kitabullah wa sunnaturrasul. Timpa’toni koritu bitara temmenu’e, natopada makkalejja ri salangka bitara’e, nariattuppu ri awo lagadinge natopada tudang riasenna papeng ulawengnge, nasaba tuntu’i rio simatana puang Allah ta’ala.

Allahu Akbar 3 x Wa Lillah al-Hamd
Upepaha nenniya alabappaha ri punai ikkeng pura mampuasangi uleng ramalang nasibawai teppe simata lao ri puangnge, namusui hawa nafsuna, nakendalikangi alena pola riakkelo-kelona hawa nafsunna nasabari namacawe pammasena puangnge namabela pole ri paccallae. Tau lolongeng pammase nenniya nabbarakkaki puasa, mannesai ri telluE passaleng, iayanaritu :
1. Napahangi alena makkeda saisanni ripancajinna puang Allah taala. parellu kipahang madeceng makkeda pole ri siagae egana pura nappancaji puang Allah ta’ala, ikkenna rupa tauwe kaminang makessing ancajingenna nenniya kaminang ripakalebbi. Padatosaha pura napannesa puang Allah ta’ala ri laleng adanna ri gau makkedana : لقد خلقنا الانسان في أحسن تقويم ثم رددناه اسفل سافلين (Bettuanna : pura upancajiwi ritu rupa tauwe nasaba sikessing-kessinna angcajing, nainappa utaroi ri onrong kaminang mariawae). Narimakoannaro aja laloki engka maelo solangi akessingetta nenniya alebbiretta nasaba sala gau – gau salah, salah kedo – kedo salah, engrenge gau-gau iya balakang pakatunai alebbiretta iya pura nawerekki puangnge. Uppanna-uppanna rupa tauwe naturisi akkelo-kelona hawa nafsunna, de nakendalikangi elo talliwa-liwanna hawa nafsunna, majeppu tau makkowaero ri taroni ri ongrong kaminang mariawae. Nasaba tau makkoero napahallalai harangnge, napaharangi hallalae, hallala hallulu nalulu maneng, malomoni lesseri janji, narusai assedingengnge nasabari namaroca abbanuangnge, namasolang akkalinoange. Makkedaai passulesanana Ara’e : طوبي لمن كان عقله أميرا وهواه أسيرا وويل لمن كان هواه أميرا وعقله أسيرأ. (Bettuanna : upeppaha napunnai tau pangcajiengngi akkalenna pemimpin nenniya acilakappaha nappunai tau pancajiengi hawa nafsunna pemimpin ri watang kalena).
2. Napahangngi mekkedda namajeppunna alena (rupa tauwe) sebagai khalifah iyarega pemimpin. Pura kipahang madecenni makkeda tungke-tungke rupa tauwe mancaji pemimpin manengngi, natungke-tungke seddie pemimpin riellauwi pertanggung jawabanna matti ri esso rimunri ri olana puang Allah taala. Makkedanna nabitta ri laleng haddesenna : كلكم راع وكلكم مسئول عن رعيتكم (bettuanna : tungke-tungke iko mennang pemimpin maneng, natungke-tungke seddie pemimpin bertanggung jawab maneng lao ri anu napimpingnge). Akkattanna ritu degaga tau de nancaji pemimpin, nadetoga seddi pemimpin leppe pole ripakkutanana puang Allah ta’ala. Seddie kepala kampong ritanae matti ripuang Allah ta’ala pekkogai pallao rumana pabbanuae, pekkogai carana pimpingi raya’na, pekkogai carana jellokangi adecengenna masyarakanna, narilainnaro. Seddie kepala rumah tangga ritanai ri puang Allah ta’ala pekkogai carana bimbingngi wijanna gangkanna mangcaji ana’ patuju iyanaritu ana malebu namalebu ittello, macaca na macaca jarung, polei napapole nyameng kininnawa, laowi nataro sengereng, makkeguna lao ri agamana nenniya lao rikamponna. Engrenge paimeng tungke-tungke ikkeng rupa tauwe ri tanaiki ri puang Allah ta’ala pekkogai carata pimpingi watakkaleta, kendalikangi hawa nafsutta sarekkoammengngi natuling matturu lao ri parentae nannini pole ri pappesangkae. Naparengerangiki puang Allah taala rilaleng akorangnge makkedanna ; لقد زرعنا لجهنم كثير من الجن والانس لهم قلوب لا يفقهون بها ولهم اذان لا يسمعون بها ولهم أعين لا يبصرون بها أولئك كالانعام (bettuanna : ripamolangi api naraka nasaba maega pole ri rupa jinge nenniya rupa tauwe iayanaritu riwereng ati (akkaleng) naekiyya de napakkegunai atinna, riwerengi parengkalinga naekiyya de nappakkegunai parengkalinganna, riwerengi pakkita naekiyya de napakkegunai pakkitanna, tau mappakuwaero padai laona olokoloe). Iyakkeppaha akkalenna napakkegunai makkalengi nenniya gau bawangngi padana rupa tau. Parengkalinganna napakkegunai maengkalinga ada-ada salah iyarega bicara-bicara salah, koettoparo pakkitanna napakei kamata-mata gangkanna katama-tama. Iyamanennaro matti mancaji pamolanna api naraka. Narimakkoannaro laoni mai natopada pimpingi watakkalena padamoi engkae lesang koettoparo iya tellesangnge. Tapimpingngi limata aja nasembarang karawa, tapimpingngi ajeta aja nakajokka-joka, tapimpingngi uluta aja nakacuru-curu, tapimpingngi timuta aja nakatimu-timu, tapimpingngi matata aja nakamata-mata, tapimpingngi atitta aja namesere ati, engrenge ri lainna toparo.
3. Napahang madecenge alena makkeda atai pole ripuang Allah ta’ala. Nakipahang medeceng makkeda ikkeng atanna puang Allah ta’ala diparentaiyakki massompa lao ri alena. Pada toha narampe ri laleng akorangnge : وما خلقت الجن والانس الا ليعبدون (bettuanna : de uapancajiwi rupa jingnge nenniya rupa tauwe sangadinna massompa lao riya). Narekko kipahanni onrotta selaku ata pole ri puang Allah, ajanna napakaatai alena lao risaliwenna puangnge nenniya aja tona ripuatae padatta ata, nasaba seddimi bawang engka atanna iayaritu puang Allah ta’ala. Degaga wedding puatai atanna puang Allah ta’ala sangadinna alenami bawang. Makkotoparo paimeng narekko napahangngi alena ata, majeppu napahang toni ritu makkeda de gaga puang puata sangadinna puang Allah ta’ala iya pancajiengi sininna alangnge. Narimakkoannaro parellu kipahang medeceng makkeda iya ateka essae, ateka ritarimae iayanaritu ateka pannessaengngi atangenna atae nenniya apuangenna puangnge. Nasaba iyyanae mancaji sabbi ri ada tongengnge gau ritarimae nenniya ateka essae, ada tenrisabbingie gau tekketimbangen ateka marusa’. Ateka marusa’e manessai rigau assisakkareng ada’e. Naiyya ada assisakkarengnge gau tessilolongen ateka ri mallinrungnge, tessiomporeng pammase pole ri puang sewwa’e. gau rimanessae loroseng ada tongeng, tongeppi mupuadai, mumalempu taro gau muwakkang pesona. Ada singkeru ri mannessae, ati tellong mappattongeng, tubu makkeda sadda bate-batte pappijeppue. Paddisingeng pappijeppue leteng singkeruangnge rupa gau alettukeng passompa. Assompaki naluru mappesona, mutonang jasang pettu ri laleng ateka, naletei pammase nenniya pakkamesena puang sewwae. Atekappa mappannessa malara tessiwawana ulaweng cere ri laleng buwa lompengeng ri majeng. Aja tapabombangi atekatta, ada tongenge pole ri puangnge الحق من ربك فلا تكونن من الممترين .

Allahu Akbar 3x Wa Lillah al-Hamd
Sininna umma selleng malebbiki engkae hadere
Riolo denapa ripaccappui katobbae, maeloka pangolongangi dua tellu pappasenna to panritata ri makkedanna ;
1. Sabbarakko tuttung pare’mupogau passurong muniniri pappisangka. Ampe madecengngi appakatuna alewe asugirengngi appasikuwae. Sukkuru’e singkeruang masse attunru-tunrue atemmangingngireng. Riyoe teppettu rennu. Ikhlas appasimata-matae ..tentuang. pesonae. Jasang’pettue sengkeruwangnge. Deceng kapang ripuwangnge tonangeng salewangenna watakkale saupole sumange’e. limbang ri maje’tana siwalie.
2. Seroi bujung temmettie naenceng pulana paddissengemmu. Atutuwi lampu teppeddewe nattappa pulana teppe’mu. Bole-bolei tonangeng malessie namannennungeng parengngerammu.
3. Amala’ paddissengemmu, teppe tentuammu, appassewwang nyawa pakkasiwiang passompamu, atabbuttureng pakkitammu ri rupanna Qa’ba qaosaeni pannessaengngi akatangenna atae riaapuwangenna Puwangnge.
4. Palebbani koromai sompe’na sampang teppe’e, naripabbalabangi nasaba amala shaleh, namattipi insya Allah topada mallabu ri akhera nasaba ati caddio rennu pulana. Mangolo temmaboko sitangareng puanna, carilla-killa ri nyili pada uleng tepu ri tingarae caiyyana. Limbang ripammasareng tenri kira-kira toni ri letenge rimannippi, nauttama risuruga pammasena Allah ta’ala.

Walai paccappureng ada:

Senge’ka rilabbuE ubali senge’ki rigollaE, tosipaggalelu ri kalukuE, tosiruntu rionde-onde. Senge’ka simata jarung ubali senge’ki sipuppureng lino.

Narekko massarakki bajaE sangadiE, napoleiki uddani congaki ribitaraE tosiduppa mata riketengngE. Engkatu bunga-bunga sitakke utanengakki, narekko makelle’I daunna tabollorangmanika kasi nasaba wae mata. Sarekkoammnengi engka mancaji passengereng pallawa uddani.

بارك الله لي ولكم في القران الكريم ونفعني واياكم بما فيه من الايات والذكر الحكيم.


KHUTBAH KEDUA

ألله أكبر ×7 الله أكبر ولله الحمد
ألحمد لله , الحمد لله حمدا كثيرا كما أمر , حمدا يوافي نعمه ويكافي مزيده ربنا لك الحمد كما ينبغي لجلال وجهك وعظيم سلطانك , وأشهد أن لا إله إلاّ الله الملك الحق المبين , وأشهد أن محمدا عبده ورسوله خاتم الأنبياء والمرسلين .
أللهم صل وسلم وبارك على سيدنا محمد وعلى آله وصحبه والتابعين . إن الله وملائكته يصلون على النبي يا أيها الذين آمنوا صلوا عليه وسلموا تسلما .
اللهم صل على سيدنا محمد كما صليت على سيدنا إبراهيم وبارك على سيدنا محمد كما باركت على سيدنا إبراهيم في العالمين إنك حميد مجيد . اللهم ارض عن خلافاء الراشدين أبي بكر وعمر وعثمان وعلي وسائر الصحابة أجمعين .
Pada laoni mai pangolo madecengi ati mapaccitta lao ripuang sewwae, rimakkedatta :
Ee…Puang, tapalaloka pangoloi atikku nennia watakkaleku lao riolo arajatta puang, degaga akkatta laing sangadinna maeloka pannessai majeppu iyya toripancajitta’ka paung nennia degaga elo ulleko sangadinna elo ulleta puang. Tenriulle bilangngi atassalakku nennia atakkalupakku iyya pura maddioloe, nassabari namalucca atikku nasaba engkaku salaiwi apatiroatta puang. Namajeppu sitonge-tongenna masiri matane’ka pangoloi ale’q riolo alebbiretta puang, malemma pappeneddikku mapeca kabuttukku, pangoloi atikku, makka’I duae limakku, nennia suju riolota puang sarekkoammengi tapalaloka marellau lao ri’idi puang.

Naikiya….Ee…Puang, narekko denakko riolota upangolo alusukku nennia kassara’ku, majeppu denagaga angolokku laingnge puang, nasaba pura utenttuanngi rilalenna ati kaminang marilalekku makkeda de gaga adele riase’na adele’ta puang, degaga akuasang riase’na akuasangetta puang nennia degaga pappuji riasenna pappujitta puang, degaga pammase riasena pammaseta puang, degaga pakkamase riasena pakkamaseta puang. Narimakkuannaro taddampengekka puang sarekkoammengngi leppe’ka pole ricappa’na carita ja’e, nassabari nonnoka riawana pettu peddennuangnge. Iyyatonaro nassabari naengkaka mangolo riolo arajatta puang sarekkoammengni tatarimai angolokku lao riolo alebbiretta puang. Nasaba idi’mi bawang puang maraja addampeng namaraja akkamase.

Ee…Puang…Purani wola peri’e nennia sussae ripetta kape’e, naikiya gau mannessa, majeppu pettang kape’na lino denaulle kalai pettang kape’na laleng kuburu, risesena tau takkalupae sukkuruki pappedalleta puang lebbi-lebbipi risesena tau iyya massakkarengengi puang.
Sewwa wettu matti gau mannessa riolai laleng amatengnge, riuttamaki calori’na kuburu’E, tajengngi esso paccappurengnge rilino wanua cinampe’E, naikiya :
Tapakarajangengga addampeng puang, nasaba cakka’na annessana amatengnge riseseku naikiya tennassabari natatamba teppe’ku, tennassabari natattamba paddisengeng nennia amala madecekku, naikiya iyakkeppaha deuwissengi aleku, takabboro’ka nennia takkalaupaka sukkuru. Padahal, pura riwerengnga dalle nennia pappenyameng temmaggangka naikiya deusukkurukiwi puang.

Tawerengnga mata, iyyae mataE Tania appunnaku puang naikiya simata-mata appunnatta tapinrengika, narimakkuannanaro sitinajai upakkeguna matakku molai apatiroatta puang, bacai kitta malebbita puang, naikiya taddampengekka puang nasaba deupakkegunai pakkitakku lao rilaleng tapurioe pung. Maladdeka takkalupa nennia tappasala puang, nasabari tekkeangke’I atuo-tuongekku rilino puang.

Tawerengnga parengkalinga, iyyae parengkaligakku Tania appunnakku, naikiya simata-mata appunatta puang. Sitinajai upakkeguna parengkalingakku lao calingeki pangaja madencengnge ri masigi’E, mengkalinga lappa-lappana baca akorangnge, naikiya takkalupaka nenniya tappasalaka puang deupakkegunai parengkalingakku lao rilaleng riota puang.

Tawerengnga jari, sitinajai upakkeguna lao rilaleng madecengnge, sappa’I dale hallala’ta, tulungngi duwae pajajiakku, tulungngi bali-bolaku nennia sikampokku. Naikiya iyakkeppaha upakkegunai jarikku malai warangparanna tau laingnge, upakkegunai jarikku malai cengkena bali dare’ku, nennia upakkegunai jarikku peddiriwi padakku rupa tau. Maladde’ka tappasala nennia takkalupa puang.

Eee…Puang…
Sitinajaka mappedeceng lao ritau duwae pajajiakku, nasaba ale malebbina nassabari kuengka talleng rilalenna lebo’na lino. Sitinajaka turusi passuroanna, sitinajaka jampangi riwettu malasana, sitinajaka engka riseddena riwettu napparelluakku. Naikiya takkalupaka nennia tappasalaka puang, mabbali-balika rilaleng pangajana tau duwae pajajiakku, ugera-gera’I iya dua, deupogaui passuroanna, usalai riwettu malasana, mabelaka riwetuu napparelluakku. Madorakaka lao ritau duwae pajajiakku puang…nappaka massesse kale naekiya denigaga tauduwae pajajiakku puang, lisuni rionrong mannennungenna rilaleng pammaseta puang…Ee…puang tapalettukakka selleng uddanikku nennia ellau addampekku lao ritau duwae pajajiakku puang, sarekkoammengngi naddampengangi sininna dosa-dosaku lao rialena puang. Nasaba manrasa-rasaka rilino puang, temmatujungi jama-jamakku teppolei dalle masempota puang. Nakennana ada-nna tau riolota rimakkedanna :
Nigi-nigi madoraka lao ritau duwae pajajianna, makkatenningngi namarunrung, makkalleccai namaruttung, mapokka pinceng pute, mareppa lebu ittelloi, mapettu sampengngi, mapolo sangila, teccokkong temmaccolli, tennaccekkengi peppaja, temmitai parumpaja lino lebbi-lebbipa ahera.
Ee…Puang…
Narekko uwengnggerangi egana dosa pura upogau, sitongeng-tongenna deupasitinajai ale’ku mancaji tolise surugata puang. Naikiya maladde’ka matau lolonganganggi paccalatta nennia pellana apinna neraka puang. Narimakkuannanaro taddampengakka puang, tessingakka babua puang, tatarimai toba’ku puang, tapalomoi urusang linoka puang makkotoparo urusang ahera’ku puang, tapancajingekka lalekku laleng malempu pada lalenna tau ripuriota puang, Tania lalenna tau ricaccata puang. Sarekkoammnengi topada salama rilino nennia pada rilolongngengi pammasena nennia pakkamasena puang Allahu Ta’ala mati Riesso rimunrinna Insya Allah.


أللهم أرنا الحق حقا وارزقنا اتباعه , وأرنا الباطل باطلا وارزقنا اجتنابه , أللهم أصلح لنا ديننا الذي هو عصمة أمرنا , وأصلح لنا دنيانا التي فيها معاشنا , وأصلح لنا آخرتنا التي إليها معادنا , واجعل الحياة زيادة لنا في كل خير واجعل الموت راحة لنا من كل شر .
ربنا اغفر لنا ولإخواننا الذين سبقونا بالإيمان ولا تجعل في قلوبنا غلا للذين آمنوا ربنا إنك رؤوف رحيم . اللهم اغفر للمسلمين والمسلمات والمؤمنين والمؤمنات الأحياء منهم والأموات إنك أنت الغفور الرحيم . ربنا آتنا في الدنيا حسنة وفي الآخرة حسنة وقنا عذاب النار .
عباد الله !! إن الله يأمر بالعدل والإحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون . فاذكروا الله العظيم يذكركم , واشكروه على نعمه يزدكم , واسألوه من فضله يعطكم ولذكر الله الأكبر والله يعلم ما تصنعون . وأقم الصلاة إن الصلاة تنهى عن الفحشاء والمنكر .



SELESAI

Selengkapnya

3 Ahlak yang Paling Mulia di Sisi Allah swt

3 Ahlak yang Paling Mulia di Sisi Allah swt


Dalam kehidupan di dunia ini manusia itu tidaklah dinilai dengan bentuk dan rupanya begitu juga dengan hartanya melainkan dinilai dengan ahlak dan budi pekertinya. Rasulullah saw diutus di dunia ini untuk menyempurnakan ahlak dan budi pekerti serta menjadi suri teladan yang baik bagi umat manusia.
Kaum muslimin rahimakumullah
Bilamana seseorang melakukan sesuatu perbuatan atau berkata baik dengan mudah walau tanpa di pertimbangkan ini tandanya orang yang berahlak baik, tetapi sebaliknya jika seseorang mudah berbuat atau berkata jelek,ini menandakan bahwa orang itu ahlaknya jelek.Sebagaimana sabda rasulullah saw yang artinya” ada tiga sifat yang termasuk ahlakul karimah disisi allah yaitu: memaafkan orang yang berbuat dzolim kepadamu,memberi kepada orang yang tidak mau memberi kepadamu, dan menyambung hubungan kepada orang yang sengaja memutuskan hubungan dengan kamu.”
Dari hadits ini rasulullah menyampaikan 3 sifat yang termasuk ahlakul karimah atau ahlak yang baik dan mulia yaitu:
1.      Memaafkan orang yang berbuat dzolim kepada kita, sebagai mahluk manusia ingin selalu berkumpul bergaul dengan sesama manusia, namun sudah merupakan pembawaan atau ciri khas manusia ialah tidak dapat terhindar dari salah dan lupa atau kesalah pahaman olehnya itu memberi maaf kepda mereka yang salah atau lupa adalah merupakan hal yang mulia dan terpuji disisi allah .Dan orang yang pemaaf termasuklah golongan orang-orang yang bertaqwa.
Coba kita renungkan,Allah yang maha pencipta Allah yang maha kuasa maha bijaksana paling kaya dan mempunyai sifat-sifat kebesaran yang lainnya,tetapi allah tetap maha mengampuni lagi maha pengasih dan tidak ada kesalahan hambanya yang tidak diampuni nya asal mau bertaubat dengan taubatan nasuha.Apalagi kita sebagai hamba allah yang tak punya apa-apa.Jika seorang hamba telah memiliki sifat pemaaf berarti telah termasuk hamba allah yang paling mulia seperti yang dinyatakan dalam hadits nabi kudsi,ketika nabi Musa bertanya kepada Allah swt,”ya allah siapakah hambamu yang paling mulia disismu? Allah menjawab”orang yang mampu membalas tetapi ia maafkan”
2.      Memberi kepada orang yang kikir,orang yang tidak mau memberikan sesuatu kepada orang lain kadang disebabkan oleh karna beberapa faktor,mungkin memang ia mempunyai sifat kikir atau malu atau mungkin ada persoalan yang lain,sehingga ia memutuskan untuk tidak memberi kepada orang yang bersangkutan.Kalau ada orang yang bersifat demikian kepada kita,maka tindakan kita ialah memberi lebih dahulu kepada mereka.karna nilai memberi lebih tinggi daripada diberi .dan orang dermawan itu dekat dengan allah swt,dekat dengan manusia,dekat dengan syurga dan jauh dari neraka.
3.      Menyambung hubungan terhadap orang yang memutuskan hubungan dengan dirinya,Rasulullah telah memberikan sangksi atau ancaman kepada orang yang sengaja memutuskan tali persaudaraan.Yakni tidak akan diterimah amal orang yang memutuskan persaudaraannya. Sebagaimana sabda nabi saw
لايد خل الجنة قا طع رحم (متفق عليه )
“ tidak akan masuk sorga orang yang memutuskan silaturahmi”
Sebaliknya orang yang menjaga hubungan silatuhrahminya atau menyambung kembali hubungannya yang telah terputus,maka nabi menjelaskan faedahnya:yaitu hartanya akan melimpah,dan dapat umur yang panjang,

Hadirin yang dirahmati allah swt
  Itulah beberapa ahlak yang dituntunkan oleh Rasulullah saw,namun tidak berarti bahwa ahlak mulia itu hanya tiga saja, jadi sebagai kesimpulannya bahwa ada 3 ahlak yang paling mulia disisi allah yaitu :
1.      Memaafkan kesalahan orang lain
2.      Mendahulukan memberi maaf kepada orang yang sengaja memutuskan pemberiannya
3.      Menghubungi keluarga yang sengaja memutuskan tali silatuhrahmi,
Semoga allah swt melimpahkan taufiq dan hidayahnya,sehingga kita mampu mempertinggi budi pekerti yang luhur dan berahlakul karimah amin....

Selengkapnya

khutbah Idul Adha Bahasa Bugis

KHUTBAH IDUL AD’HA Loni wettue molai laleng mappura onronna,tenri sedding assisullengenna essoe nennia wennie,labessiha ritu siuleng,duampuleng,samanna engkamopi risedding tabbajo-wajo uleng ramalang nennia alleppereng pittarana. Nah,alhamdulillah tendrisedding ri uttamaisi uleng dzulhijjah iya engkae pada iruwasi rilalenna iye essoe,iya ritellae idil adha,esso kaminang marajae ri sesena idi umma’sellengnge.Esso rionroiye si pakario-rio nennia sipaka rennu-rennu,pada roasiwiritu sikira-kira pannessai tanra asukkuruketta nennia attarima kasitta risese arajanna puang allahu taala,puang sewwae. Allahu akbar,allahu akbar,allahu akbar,walilla hilhamd Narekko engkai puasa ramalangnge nennia alleppereng pittarae tampu’ siagae egana latihan nennia didikan madduparupang,majeppu engka toi iye ulengnge,iye essoe tampu siagae egana latihan nennia didikan madduparupang.iyanaritu pakkasiwiang HAJJIE nennia AKKAROBAE,ia nassabariye natakkatoro madeceng jama-jamang linota nennia aheratta,nato maupe’na riduae wanua lino ahera. Allahu akbar,allahu akbar,allahu akbar,walilla hilhamd Majeppu pakkasiwiang hajjie tania muwa untuk sarekko ammenngngi narisaksikan araja akuasanna puatta,yakkeppaha saisatoi latihan nennia didikan battowa,seddi gau penting risesena mingngauengngi alena ata pole ripuang allahu taala.Nasaba nalecokengngi teppe’na,saba’ni namapaccing pulana atie,nasimata tunru’ihlas paddupai nennia pajokkai parentana puang allahu taala. Upe’paha napunnai tau ri inringnge ri puang allahu taala.pasilennerengngi hajji ritarimae .rokong malimanna agama sellengnge.labai ritu ri laherenna nennia ri hakikinna.Nasaba pada engkana mennangro rupai teppe’ tongeng-tongenna.majepu pada naitani araja kuasangenna puang allahu taala,puang mappancaji na maraja akkamasewe. Allahu akbar,allahu akbar,allahu akbar,walilla hilhamd Taitai gare’e silessuretta menre’e hajji,siagaro egana pengorbanan pada napalao,baik pegorbanan harta,maupun pengorbanan rohani dan jasmani,nalulu’i anrasa-rasang allalengeng mabelae,menderita pella mappabokka’na tana arab.nennia cekke’mappatagering kerinna tana madina ritu.Tenna sedding alena nataro teppe’ iyana essoe pada napasilennereng rokong battuana pakkasiwiang hajjie,sininna umma’selleng menre’e ritana marajae passukkui asellengenna pada engkae rilalenna iyae essoe rimina maelo pasilennerengngi aggereseng pakkarobanna,sejak kemarin para jamaah haji di tanah suci dalam pakaian seragam ianaritu pakaiang maputeh de’napuraji’.Nennia temmassongko’ mennangro.tak berbeda sikaya dan simiskin,arung nennia tau sama,tau matanre pangka’na nennia tau mariawa pangka’na,tujuan yang satu yaitu tunduk dan patuh kepada allah swt. Ayyuhal aidun wal faizun.... Naiya pakkasiwiang hajjie saisai pakkasiwiang kaminang maraja onronna ri agama asellengengnge,nasaba,koniro wettue nannessa tongeng-tongeng syaria’na agamae,naompo tongeng tongeng rajana agamae,nannessa asseddi-seddie,natalle assimase-masengnge. Wah,upe’paha napunnai mennanro tau pasilennerengngi pakkasiwiang hajjie,nagau nasibawai ati ihlas,akkatta tongeng-tongeng.nassaba makkedai nabitta Muhammad saw” al hajjul mabrur laisalahu jazaaun illal jannah” bettuanna: naiya haji rotarimae degaga pamale’na sangadinna suruga, Allahu akbar,allahu akbar,allahu akbar,walilla hilhamd Iyae essoe narapissi wettunna rilaksanakan akkaccuerengnge ri pangulutta nabi ibrahim halilullah ritujunna akkarobangnge.Nasaba iya memettona haro tau maserro kessing riala contoh,camming lebba,natarongekki puang allahu taala rilino ritujunna gau’akkarobangnge. Attangngaki gare’e ri pangulutta nabi Ibrahim,magaro batena turusiwi parentana puang allahu taala,riwettu ri parentayanna makkarobangnngi ana’na kaminang napojie riasengnge ismail,meskipun perintah itu amat berat,Nabi Ibrahim tetap mentaatinya dengan segenap kepatuhan. Aga napuadanna ana’na makkeda” yaa bunayya innii araa filmanami annii adsbahuka fanzur mazaataraka” Ehh anakku,majeppu uwitaki ana’ rilaleng patinroku majeppu ugereki kasi ana’. jaji agatu tangngamu ana’. Riwettu nangkalinganna Ismail adanna ambo’na,denamalampe pikiranna,de natakkajenne’ nennia detto namaseleng mangkalingai adanna ambo’na. Walaupun lehernya akan digorok bahkan iya menjawab dengan segera dan menerima dengan segenap kepatuhan dan berkata” yaa abati ma tuumaru satajidunii insyaallah minassabirin” ehh ambokku,tapaddupai aga naparentaiyakki puang Allahu ta’ala,namattipi ambo’ talolongekka insyaallah saisa tau sabbara. Allahu akbar,allahu akbar,allahu akbar,walilla hilhamd Aga namappangatta tongenni Nabi Ibrahim maelo gerei ana’na,napalewuni kasi ismail dan ia siap sedia menyerahkan batang lehernya untuk digere ri ambo’na, agana nagere tongenni kasi’ Nabi Ibrahim ana’ sibatu-batunna..namattangangngi Nabi Ibrahim patujui pisona ri ellonna ana’na nateppa riolli ripuang allahu taala” yaa ibrahima qade soaddakta rruuya inna kazalika tajzil muhsinin” bettuanna,eeh ibrahim,majeppu mupaddupanitu nippie,majeppu de tennakiwale’na deceng sininna tau mappedecengnge,nainappasi ri akkedai” inna haza labalaun azim” sitongeng-tongenna iyae gaueh saisai panguji marajami risesemu. Aga naripasellenngenna ri puang allahu taala sikaju kibas,naiyanaro jaji nagere. Umma’ selleng malebbi>> Tacobaniro gare pikkirisiwi gau gaunna nabi Ibrahim,batena turusiwi parentana puanna,tomakkeda ana makessing namatturu,assaleng parentana puang allahu taala,sibawa lapung ana tunru maelo rigere ri ambo’na nasaba parentana puang allahu taala. Makkueniro riasengnge teppe’ tongeng-tongeng,de nakkeda watakkale,de nakkedda waramparang assaleng passurong puang musti ri turusi. Allahu akbar,allahu akbar,allahu akbar,walilla hilhamd Majeppu puang allahu taala teniato wija-wijatta nasuroki untuk korbankangngi,niyakia waramparattamuwa bawang.Makkedai Nabitta Muahammad saw” man wajada sa atang liayyudohhi falam yudahhi falaa yahdur musollanaa” Nigi-nigi masagena risesena naweddinni makkaroba naluru de nakkaroba,aja’na nalao mahaderekiwi masigikkeng. Akkatana,narekko engka tau riwereng dalle’ weddinni makkaroba naluru de nakkaroba,riassakkarengngi ri nabitta. Allahu akbar,allahu akbar,allahu akbar,walilla hilhamd Jaji parellui tarekeng siaga ellinna bembe’eh sikaju,iyare’ga nasapi sikaju untuk petu tau,narekko masagenaki,madeceng narekko takkedderengngi. Rilalenna iye wanuatta,nasaba narekko de takkaroba naengkaki tau masagena,majeppu ritu teppe engkae ri seseta parellui ri akkutanang.Makkedai Nabitta Muhammad saw” la akhafu alaikumuddun_yaa walakin akhafu alaikumul iman” tengengkaka makketaurekko mennang akurangeng anre,waramparang ri munrikku,naiyakia wakketaurengnge masse’ riiko mennang iman,teppe’(yakke ammana manipini teppe’mu naiyakia de muissengngi alemu). Naiya ata mateppe’ tongeng-tongeng’e mapica’ lilana rampei puanna, nennia matinroi matanna mingngerrangngi puanna. Kaum muslimin rahimakumullah Sebagai kesimpulanna,pada laoni mai natopada pakkasse’i teppe’ta,ri pata’tambai taqwata la ri puang allahu taala,natopada mellau doang lao ripuang allahu taala,wahai tuhan kami,karuniailah kami keteguhan iman,dan tetap dalam semangat berkorban,dan tabah dalam menegakkan nilai-nilai agamamu’’

Selengkapnya

TUGAS POKOK MANUSIA DIMUKA BUMI

“TUGAS POKOK MANUSIA DIMUKA BUMI”

De’natu nallinrung riseseta makkeda iyaro idi rupa tauwe degaga nassabari napancajiki puang allahu taala sangadinna neloremmi makkasiwiyang lao ri alena turu padatoha ri makeddanna rilalenna akorang malebbi’e” wama khalaktul jinna wal insa illa liya’budun” bettuanna: de upancajiwi jingnge nennia rupa tauwe sangadinna maelo’mi makkasiwiyang.

Jaji nigi-nigi tau de nakkasiwiyang lao ripuang allahu taala,sisalai sibawa ancajingeng iya ri pancajingengngi ri puang allahu taala.narimakkuannanaro nasitinajai siseng-sisenna ikkeng rupa tauwe makkasiwiakki ri alena barakkuammengngi ri lolongeng riyona matti esso rimundri.

Parellu ri parengngerangiki  makkeda iyae aya’e dessa nabbettuang makkeda denagaga wedding ri pegau rilalenna iye lino sangadinna pakkasiwiangmeni bawang risese arajanna puang allahu taala,mattentu de’ nappakoro. Nasaba iyaro puang allahu taala napancajingekki lino nalorekki makkeloriwi ritu. Naelorengngi yonroi makkareso barekkoammengngi engka naripake sau kininnawa ri lalenna iye lino.Makkedai puang allahu taala” wabe’tagii fiman atakallahu ddaral akhirata wala tansa nasibaka minaddun_ya”bettuanna: tuntu’i ahera ritujunna anu nawerengekko puang allahu taala,na aja’ mallupai bageyammu rilino.

Jadi naalorengngi puang allahu taala ri akkaresongi aheratta,rilellung aheratta nasaba pappenyameng nawerekki puang allahu taala,nalorengngi puang allahu taala ripakkeguna pappenyamenna barekkoammengngi narilolongen aheratta.kuwaennai alarapanna ri pakkegunai waramparatta ritujunna gau-gau napojie puang allahu taala,nawedding rilolongeng decenna ri ahera.makkomanenniro sininna pappenyamenna puang allahu taala ripakkeguna manengngi ritujunna anu madecengnge sarekko ammenni narilolongeng alabangnge ri ahera.naiyakia nacciangngi puang allahu taala riallupai linota,Bettuanna ada aja’tosiha de narijampai linota gangkanna de’na natomassappa,de’na natomakkareso nassabarini nari yabbokori linota.

Nasaba mega tau nassabari nattama ri lalenna ranaka paccallanna puang allahu taala,uppanna-uppanna de’napsilennerengngi rupa tauwe appunna-punnana warmparanna kuwaenna de’napncingiwi waramparanna nasaba napasilennerenna sekke’na waramparang makkuero mancajimi bali maraja riseseta matti nasaba naripatteppata rilalena ranaka paccallanna puang allahu taala.Narimakkuannanaro parellu siseng matikekki ritujunna waramparangnge iyanaritu aja’lalo nariyala narekko de’nahallala, inappani narekko ri laleng parekketta nesseriki pasilennerengngi sekke’na nennia nesseriki pakkegunai ri sesena gau-gau napojie puang allahu taala.Narekko makkoniro carata pajokkai waramparatta mancajinitu rangeng,mancajiwi laleng napalettu risuruga pammasena puang allahu taala.

Sebagai kesimpulang makkedae napancajiki puang allahu taala rilino tujuan utamana yanaritu mengabdi ripuang allahu taala,pada-padanna massempajang,puasa,dll.bahkan riwaramparatta nasaba ipasilennerennai appunna-appunnana.iye mancaji manengngi laleng cara mengabdi lao ripuang allahu taala barekkoammengngi natosalama rilino natolaba ri ahera.amiiin,,,wassalam

<<wassalam>>

Selengkapnya

Tellu Pappasenna Nabitta Untuk Idi Umma’na

Tellu Pappasenna Nabitta Untuk Idi Umma’na

Rilalenna iyae wettu mabbarakka’e upuminasa rampengekki seddie haddese’na nabitta Muhammad saw ritujunna 3 passaleng makkedai nabitta” Ittaqillaha haisu ma kunta wa atbi’i ssayyi_atal hasanata tamhuha wa khaa liqi nnasa bikhuluqin hasanin”. Rilalenna iye haddese’e engka tellu pappasengna nabitta ri tau mateppe’e. Yanaritu yang pertama :

1.      Ittaqillaha haisu ma kuntaí. Itauki ripuang allahu taala pega-pagaki monro. Bettuanna didalam kehidupan kita didunia ini,kita senantiasa metau tongeng-tongeng lao ripuang allahu taala,namuni pegaki engka,narekko padangkakki,de riceko-cekoangngi padatta rupa tau, de’ dikurangi ukuranna timbangangnge,nasaba metauki ripuang allahu taala, mancaji camatki, camatnaki puang allahu taala,mancaji bupatiki,bupatinnaki puang allahu taala,mancaji persidengki,persidennaki puang allahu taala,sehingga metauki korupsi,metauki malai hakna rakyat’e,itu semua  bisa kita lakukan apabila engka teppe’ ribolai rilalenna  atitta.Alangkah indahnya hidup narekko metauki nennia mateppe tongeng-tongengki lao ripuang allahu taala,pearasaan menjadi tenang, jiwa tidak gersang,hati berbunga-bunga,sehingga narekko matei dalam keadaan mateppe nennia metau tongeng-tongeng lao ripuang allahu taala maka  jiwanya melayang ke dalam syurga yang telah dijanjikan allah kepadanya.

Umma selleng malebbi ye engkae hadere

2.      Napaccuei atassalangnge nasaba deceng. Bettuanna,seddie tau mateppe’,narekko pegaui atassalangeng mpperri-perri tutup’i yare’ga leddai nasibawai deceng.nulle mabiasa pegau gau sia-sia.pada toha narampe puang allahu taala” Walladsinahum ani_llagwi mu’riduna “ Nennia tau engkae bilai alena pole perbuatan sia-siae. Magatti istigfar,magatti pegau gau madeceng,nainappa mellau toba ripuang allahu taala dengan hati yang ihlas nennia tau tongeng-tongeng makkotoparo nasessekeng ale. Kesalahan senantiasa dibasuh dengan kebaikan,dosa dengan istigfar,khilaf dengan permohonan maaf,maka dunia akan semakin indah di panddang,wajah berseri,begitu cantik dan tampan abadi sepanjang masa.

3.      Wa khaliki nnasa bi khuluking hasanin. Nennia mappedecengngi ripadanna rupa tau,nasaba ampe-ampe madeceng. Risesena tau matoa riolota,engka natella pake salama,aga yaseng pake salama,yanaritu seddie pake narekko ripakewi salamakki pole ri pappejana rupa taue,nennia rilainnae, rilalenna agamata iyaro pake salama’e yanaritu :ampe kedona ripadanna rupa tau senantiasa madeceng, bettuanna narekko punnaiki pangkaukeng madeceng salama’nitu pole ripappejana rupa taue,magai? Nasaba namonitu tau maja sipa’na napojito tau makessingnge ampena,jadi milikilah ahlak yang baik dalam bergaul dengan sesama manusia,manusia akan menghormati kita dan menyayangi kita,malaikat tersenyum,catatan kita penuh dengan kebaikan,allah akan mengasihi kita bahkan cemburui malaikat’e ko tau makessingnge ampe kedona lao ripadanna ripancaji.

WASSALAM

Selengkapnya

TIGA LANDASAN AQIDAH

TIGA LANDASAN AQIDAH

Pada laoni mai sukkurukiwi mappoji lao risese arajanna puang allahu taala, puang ia paturungngi agama asellengengnge ri iyae lino melalui parentana nabitta Muhammad saw. Nabi  iya parenngi  petunjuk rupatauwe.

Rilalenna iye wettu mabbarakka’e upuminasa palettukeki silappa iyare’ga dua lappa ripassalenna tiga landasan akidah ,yanaritu:

1.    Mengenal Tuhan.

Pura irisseng makkeda puang allahu taala panajiwi langie nennia tanae.sebagaimana Allah berfirman dalm al-Qr’an:”  ALLAHU KHLIQU KULLU SYAI” bettuanna :allah maha pencipta segala sesuatu.

a.      Allah maha pencipta, maha menguasai dan maha mengatur.

b.      Allah megetahui dengan tanda-tanda kekuasaannya dan makhluknya.

c.       Allah menciptakan agar aku menyembah kepadanya dan tidak ada sekutu  baginya.

2.    Mengenal Agama.

 Islam adalah mengesakan allah dan mentaati perintahnya erta meninggalkan apa yang memusuhi perintahnya.

            Islam adalah agama yang diridahi oleh allah untuk semua manusia.

Islam adalah agama kebaikan, kebahagiaan dan kegembraan. Sedangkan tingkatan agama itu ada 3 yaitu:

1.       Berserah diri kepada allah dengan mentauhidkannya,tunduk kepadanya.

2.       Iman. Yaitu engkau percaya kepada allah,para malaikatnya,hisab dan rasulnya.

3.       Ihsan, yaitu engkau menyembah allah seakan-akan engkau melihatnya,jika tidak melihatnya,maka allah melihatmu.

3.    Mengenal Nabi Muhammad saw.

Beliau  dalah mauhammad bin abdullah dan beliau adalah Nabi yang paling mulia dan penutup para nabi, dan beliau mnyampaikan agama ini dan memerintahkan agar melakukan segala bentuk kebaikan dan melarang kita dari segala bentuk kejahatan.

Pada esseriki mennang ri lalenna wettu makkokkoe pada  amala saleh  iyare’ga amala madeceng, natappa mellau esso wenni maddararing lao ripuangk allahu taala, nasimata napattette lempui teppe narilolongeng upe temmaka-makae ri lino lebbipaha alabagnge ri ahera insyaallah.

            Aga passabareng nayakkeda pada ellauki ripuang allahu taala nasaba engkatu mat sewwa wettu  de’naullai saisanna rupatauwe, madodongngi teppe’na tahangngi alena, kalamanna saju iyare’ga rugiwi ri ahera assaleng runtu’mui asennangeng rilino.

“UMMA SELLENG MALEBBI’””

Narekko kajajiangngi gau pura ri rampewe,nigi-nigi tahangngi alena tatteppa pole ri adorakangnge iyanaritu tau maupe riamasei ripuang allahu taala,nasala naitai lino ondrong cinampe,onrong maradde yanaritu wanua ahera.

Dan kita wajib meneladani Nabi Muhammad saw,sebagai mana allah berfirman dalam al-qur’an yang artinya”pada diri Rasulullah adalah teladan yang baik.”

Kita juga wajib mendahulukan kecintaan kepada Nabi kita Muhammad  saw.  Daripada kecintaan kepada makhluk-makhluk yang lain, maksudnya kita harus mencintai dan mentaati segala apa yang diperintahkan daripadanya.

            Cukup sekia yang sempat saya sampaikan ,mudah-mudahan bermanfaat bagi kita sekalian..

“WASSALAM”

Selengkapnya

Tanggung Jawab Orang Tua

Tanggung Jawab Orang Tua

Sukkuru’ki maraja mappoji lai risese arajanna puang allahu taala,nasaba pammase marajan lao ri idi maneng nassabari natopada engka hadere ri lalenna onrong mabbarakka’e,

Sininna umma selleng malebbi ye engkae hadere’

Naiya mua meloe yala ada assiparengngerangeng ri lalenna wettu mabbarakka’e yanaritu ritujunna Tanggung Jawab Orang Tua. Makkedai puang Allahu Taala  ri lalenna akorang malebbie

ياايهاالذين أمنوا قو أنفسكم واهلكم نارا

E..Sininna tau mateppe’e pada alitutui alemu nennia lise’ bolamu mennang pole ri api renakae.

            Rilalenna iyye aya’e tellu rupanna parellu rijaga idi engkae mancaji kepala rumah tangga yanaritu yang pertama :

1.      Aleta Sendiri,2. Keluargata, 3. Wija-wijatta.

Nasaba narekko aleta’mi bawang tajaga ade tajaga keluargata idi’mi massempajang,nade’ nassempajang keluargata, idi’mi tama suruga keluargata muttama manengngi ri ranaka.begitupun sebaliknya.

Sining umma’ selleng malebbi ye engkae hadere

Oleh karna itu wettunna maelo’ mate nabitta muhammad saw dua maladde’ nappasengeng yanaritu :

1.      Makkunraiyye,nasaba iyaro makkunraiyye allirinna wanuae narekko madecengngi makkunraiyye madeceng tonitu wanuae,akan tetapi narekko masolangngi makkunraiyye wedditto nasolangi wanuae.

2.      Sempajangnge,nasaba iyarosempajangnge allirinna tosi agamae narekko madecengngi sempajangnge weddittoi napacce madeceng agame,narekko masalai sempajangnge weddingngi masalato agamae.

Nappani lise bolata ye waji’e rijaga yanaritu wija-wijatta,yaitu dengan cara:

Riwerengngi aseng makessing.Jaji kawajibatta malengngi aseng makessing sarekko ammengngi mancajiwi sennu-sennureng pada-padanna rialengngi aseng nabi sehingga wedding ammani mancajiwi matti ana’ soleh

Sining umma’ selleng malebbi ye engkae hadere

Dipaggurui masalah agama yare’ga mngaji,jaji kewajibatta paggurui mengaji narekko degaga pakkulletta pale,ritiwi’i riguru pangajie,nainappa ripaggurui masalah ateka’e pada-padanna rokonna teppe’e,makkotoparo sifa’ waji’na puang allahu taala nennia sifa’ mustahilna puan allahu taala makkotoparo ripaggurui massempajang. Pada toha romakkedanna Nabitta Muhammad saw ri lalenna haddese’na ye bettuann makkeda” Pada pagguruangngi anakmu massempajang riwettu umuru’ pitu taungnge nennia callangengngi narekko riwettu umuru’ seppulo taung nennia passarangngi onrong liwurenna”

Ripabbenei narekko dewasani

 Jaji narekko anana’e de’na narenreng,apalagi narkko engkatona makkunrai tulinewa sibawa,parellunitu naripabbene aja nakkasolappa nassabari idi soppo renge’i dosana.

Kaum muslimin yang dirahmati allah swt

Jaji iyanaro appunnanna ana’e ri taumatoanna iya waji’e ripasilennereng sarekkoammengngi leppe’i tanggung jawabna idi to matoae lao ripuang allahu taala. Narekko riwerenni appunnanna ana’e gangkanna mancaji anak soleh engkanittu lolongeng amala madeceng rimundri mateta. Narekko lao salai pale ,leppe’ni tanggung jawabta. Yemua narekko dibiarkan bawangmi ana’e de riwerengngi appunnana gangkanna lao salai,idi’mato napanrasa-rasa rilalenna lino nennia idi soppo rengei dosana matti ri ahera.

Hadirin yang dirahmati allah swt,

Makkoniro yala ada asiparengngerangeng ri lalenna ye wettu mabbarakka’e mammuare’i nainringngi puang allahu taala simata jagai aleta nennia keluargata makkotoparo wija-wijatta sarekkoammengngi engkai sibawa maneng muttama suruga aminnn...

وباالله التو فيق والسعدة

Selengkapnya